Israel-Hamas યુદ્ધ પર PM મોદીની ઈરાની રાષ્ટ્રપતિ સાથે વાત:રઈસીએ જણાવ્યુ- પેલેસ્ટિનિયો પર અત્યાચાર રોકવા ભારતે પૂરી તાકાત લગાવવી જોઈએ
Israel-Hamas યુદ્ધને આજે એક મહિનો પૂરો થયો છે. આ દરમિયાન સોમવારે ઈરાનના રાષ્ટ્રપતિ ઈબ્રાહિમ રઈસીએ પીએમ મોદી સાથે યુદ્ધને લઈને ફોન પર વાત કરી હતી. તેમણે કહ્યું- ભારત પેલેસ્ટિનિયનો પર અત્યાચાર રોકવા માટે પોતાની તમામ તાકાત લગાવે તેવી અપેક્ષા છે. પેલેસ્ટિનિયનોની હત્યા પર તમામ મુક્ત દેશો ગુસ્સે છે.
રઈસીએ કહ્યું- જો નાઝીઓ સામે યુરોપની લડાઈ હિંમતનું કામ હતું, તો બાળકોની હત્યા કરનાર યહૂદી શાસન સામેની લડાઈને વખોડી શકાય નહીં. તો, પીએમ મોદીએ તણાવને રોકવા, માનવતાવાદી સહાય પૂરી પાડવા અને મધ્ય પૂર્વમાં શાંતિ સ્થાપિત કરવાની જરૂરિયાત પર ભાર મૂક્યો. આ ઉપરાંત ચાબહાર પોર્ટ પ્રોજેક્ટ, બંને દેશો વચ્ચેનો પરસ્પર વેપાર પણ ચર્ચાનો મુદ્દો હતો.
બીજી તરફ, ‘જેરુસલેમ પોસ્ટ’ અનુસાર, ભારતમાં રહેતા યહૂદી સમુદાયના લગભગ 200 લોકો હાલમાં IDFને સમર્થન આપી રહ્યા છે. તે બધા નેઇ મેનાશે સમુદાયના છે. શેવી ઈઝરાયલ નામના એનજીઓએ આ જાણકારી આપી છે.
આ મુજબ તાજેતરના દિવસોમાં 75 લોકો ઈઝરાયલ પહોંચ્યા હતા. તે તમામ ટ્રેઈન્ડ ફાયટર છે. જેમાંથી કેટલાક એક્ટિવ પોસ્ટ પર છે અને કેટલાકને રિઝર્વમાં રાખવામાં આવ્યા છે. શેવી સંસ્થા વિશ્વના જુદા જુદા ભાગોમાં રહેતા ઈઝરાયલ માટે કામ કરે છે. નેઈ મેનાશે સમુદાય ઇઝરાયલની લુપ્ત થઈ ગયેલી આદિજાતિમાંથી આવ્યો હોવાનું કહેવાય છે.
Israel-Hamas યુદ્ધ નેતન્યાહુએ કહ્યું- બંધકોને બહાર કાઢવા માટે યુદ્ધ થોડા કલાકો માટે રોકી શકાય છે
સોમવારે મોડી રાત્રે ઇઝરાયલના પીએમ બેન્જામિન નેતન્યાહૂએ કહ્યું કે હમાસના ખાત્મા પછી ગાઝામાં સુરક્ષાની જવાબદારી ઇઝરાયલની રહેશે. નેતન્યાહુએ કહ્યું- જ્યારે અમે આવું ન કર્યું ત્યારે હમાસનો આતંક ત્યાં એટલા પ્રમાણમાં ફેલાઈ ગયો કે અમને તેની કોઈ જાણ પણ નહોતી.
ઈઝરાયલના પીએમએ પણ પહેલીવાર સ્વીકાર્યું છે કે તેઓ બંધકોને મુક્ત કરવા અને પેલેસ્ટાઈનીઓને મદદ આપવા માટે થોડા સમય માટે યુદ્ધ રોકી શકે છે. તેમણે કહ્યું- અમે પરિસ્થિતિનું નિરીક્ષણ કરીએ છીએ અને જરૂર પડ્યે થોડા કલાકો માટે વિરામની જાહેરાત કરી શકીએ છીએ.
Israel-Hamas યુદ્ધ ઈઝરાયેલે ફરી હોસ્પિટલ-શરણાર્થી કેમ્પ પર હુમલો કર્યો
7 ઓક્ટોબરે યુદ્ધની શરૂઆત થઈ ત્યારથી અત્યાર સુધીમાં 10 હજારથી વધુ પેલેસ્ટિનિયનોએ પોતાનો જીવ ગુમાવ્યો છે. લગભગ 25 હજાર લોકો ઘાયલ થયા છે. ગાઝા આરોગ્ય મંત્રાલયના જણાવ્યા અનુસાર, મૃતકોમાં 4,100 બાળકો છે. તે જ સમયે, ઇઝરાયેલમાં હમાસના હુમલામાં 1,403 લોકોએ જીવ ગુમાવ્યો છે.
સોમવારે ઈઝરાયલે ફરી એકવાર ગાઝાની હોસ્પિટલને નિશાન બનાવી હતી. ગાઝાના નાસેર મેડિકલ કોમ્પ્લેક્સ પર ઈઝરાયલના હવાઈ હુમલામાં આઠ લોકો માર્યા ગયા હતા અને ડઝનેક ઘાયલ થયા હતા. આ સિવાય ઈઝરાયલે અલ-મગાઝી રેફ્યુજી કેમ્પ પર પણ હુમલો કર્યો હતો.
Israel-Hamas યુદ્ધ બ્લિંકનની ધમકી
ઈઝરાયલ અને હમાસ વચ્ચેના યુદ્ધમાં અમેરિકા ઈઝરાયલની સાથે સીધું ઊભું છે. આ કારણોસર બગદાદ, બેરૂત અને તુર્કીમાં તેના એરબેઝને નિશાન બનાવવામાં આવ્યા છે. હવે આ ઘટનાઓ પર અમેરિકાએ કડક વલણ દાખવ્યું છે.
સોમવારે અમેરિકી વિદેશ મંત્રી એન્ટની બ્લિંકન તુર્કી પહોંચ્યા. આ પહેલા તે ઈરાકની રાજધાની બગદાદમાં હતો. બ્લિંકને કહ્યું- તાજેતરમાં અમારા એરબેઝ પર હુમલો કરવાનો પ્રયાસ કરવામાં આવ્યો છે. જો આને રોકવામાં નહીં આવે તો તેના ગંભીર પરિણામો આવશે. આ દેશોની સરકારોએ સતર્ક રહેવું જોઈએ.
સોમવારે, ઇઝરાયેલ ડિફેન્સ ફોર્સ (IDF) એ કહ્યું કે ગાઝામાં સૈન્ય કાર્યવાહી પૂર્ણ કરવામાં સમય લાગી શકે છે. તેથી, આગામી શિયાળાને ધ્યાનમાં રાખીને, તેણે તેના સૈનિકોને જરૂરી વસ્તુઓ અને યુનિફોર્મ આપવાનું શરૂ કર્યું છે. આ કામ લગભગ પૂર્ણ થઈ ગયું છે.
Israel-Hamas એક્ટિવિસ્ટની ધરપકડ
ઇઝરાયલ-હમાસ યુદ્ધ વચ્ચે ઇઝરાયલની સેનાએ 22 વર્ષીય પેલેસ્ટિનિયન એક્ટિવિસ્ટ અહદ તમીમીની ધરપકડ કરી છે. AFPના જણાવ્યા મુજબ, હિંસા અને આતંક ફેલાવવા બદલ તમીમીની વેસ્ટ બેંકમાંથી ધરપકડ કરવામાં આવી છે. તમીમીએ 16 વર્ષની ઉંમરે ઇઝરાયલના સૈનિકને તમાચો લગાવી દીધો હતો. ત્યારથી અહદ વેસ્ટ બેંકમાં પેલેસ્ટિનિયનો માટે હીરો બની ગઈ છે.
જેરુસલેમ પોસ્ટના અહેવાલ મુજબ, તમીમીએ હાલમાં તેના ઈન્સ્ટાગ્રામ પર ઇઝરાયલ વિરુદ્ધ લખ્યું- યહૂદીઓ, અમે તમારી રાહ જોઈ રહ્યા છીએ. હેબ્રોનથી જેનિન સુધી અમે તમારો ખાતમો કરીશું. તમે કહેશો કે હિટલરે તમારી સાથે જે કર્યું તે માત્ર મજાક હતી. તમીમીએ લખ્યું- અમે તમારું લોહી પીશું. તમારી ખોપરી ખાઈ જઈશું.
ઈરાનના રાષ્ટ્રપતિ સાથે પીએમ મોદીની વાતચીત
વડાપ્રધાન નરેન્દ્ર મોદીએ સોમવારે ઈરાનના રાષ્ટ્રપતિ સૈયદ ઈબ્રાહિમ રાયસી સાથે પશ્ચિમ એશિયાની તાજેતરની સ્થિતિ પર વાત કરી હતી. ઇઝરાયલ અને હમાસ વચ્ચે 7 ઓક્ટોબરે શરૂ થયેલા યુદ્ધને ધ્યાનમાં રાખીને બંને નેતાઓએ નાગરિકોની હત્યા પર ચિંતા વ્યક્ત કરી હતી. આ ફોન વાતચીતમાં મોદીએ રાયસીને ઇઝરાયેલ-પેલેસ્ટાઈન મુદ્દે ભારતના અભિપ્રાય વિશે પણ જણાવ્યું હતું. આ ઉપરાંત ચાબહાર પોર્ટ પ્રોજેક્ટ, બંને દેશો વચ્ચેનો પરસ્પર વેપાર પણ ચર્ચાનો મુદ્દો હતો.
Israel-Hamas યુદ્ધ પાકિસ્તાની નેતા કતારમાં હમાસ ચીફને મળ્યા
પાકિસ્તાનની રાજકીય પાર્ટી જમાત-એ-ઉલેમા-એ-ઈસ્લામના વડા ફઝલુર રહેમાન કતારમાં હમાસના નેતાઓને મળ્યા હતા. અહેવાલો અનુસાર, ફઝલુર રહેમાને કતારમાં હમાસ ચીફ ઈસ્માઈલ હનીયે સાથે મુલાકાત કરી હતી.
મોતનો આંકડો 10 હજારે પાર પહોંચી ચુક્યો છે
સૈન્યના પ્રવક્તા રિયર એડમિરલ ડેનિયલ હગારીના અનુસાર હમાસના અગાઉના હુમલાના જવાબની દિશામાં કાર્યવાહી ચાલી રહી છે. બીજી તરફ CNN, પેલેસ્ટિનિયન આરોગ્ય મંત્રાલયને ટાંકતા જણાવ્યું કે હુમલામાં રહેણાંક વિસ્તાર, હોસ્પિટલો અને શરણાર્થી શિબિરોને નિશાન બનાવાયા હોવાથી કુલ 9700 થી 10 હજાર લોકોએ પોતાનો જીવ ગુમાવ્યાની આશંકા છે.
વધૂ માહીતી માટે : અહી ક્લિક કરો
Israel-Hamas : click here